الأربعاء، 25 مارس 2009

البحـث عن عريـس






لم تعد الفتاة تخفي رغبتها في الزواج وتضررها من تأخره وخاصة كلما طالت عليها سنين الانتظار


وهذا مما عمت به البلوى كما يقول الفقهاء


تذهب الفتاة إلى عملها لتجد حولها عشرات البنات في مثل حالها أو أسوأ


وتسمع إحداهن تطلق شكوى باسمة مغلفة بخفة الدم المصرية والقدرة العجيبة علي السخرية من كل شيء


فإذا ردت زميلة مخضرمة تنوء بعبء أسرتها: لا داعي للاستعجال.. الزواج كله هموم..


تنتهز الفتيات الفرصة ويتبارين في الرد عليها: أريد أن أتزوج خصيصا لأوجه هذه النصائح للبنات وأحرق دمهم.. وواحدة تقول: دعيني أتزوج وأشكو.. والثالثة: أنا راضية بالهم..


وأخرى: أريد أن أتزوج قبل أن أموت كمدا، على الأقل لأستخدم جهازي الذي ظلت أمي تكدسه لي منذ مولدي


وتتوالي الضحكات والقفشات ولكنه كما يقول الشاعر: ضحك كالبكاء


*******


وإذا تطوعت الزميلة الكبيرة بالبحث عن عريس لإحداهن توالت المفاجآت


فهي تسأل أسئلة تفصيلية عجيبة عن كل ما يخصه، ماديا ومعنويا وعلميا وأدبيا وأسريا وخلافه


ترد الكبيرة: هل تريدين عريس تفصيل؟ هذا هو المتاح لدينا..


ترد البنت وقد سرحت بخيالها واستدعت مخزونها الثقافي الكبير في مواصفات العريس المنتظر: أنتِ لا تفهمينني، أريده رومانسيا يعيش معي قصة حب حقيقية ويجعلني أحلق فوق السحاب..


ترد الكبيرة: إذن تريدين شاعر، ولا داعي للشقة والشبكة والأثاث؟..


ترد البنت بسرعة: لا تتسرعي في فهمي، طبعا هذه أشياء أساسية جدا جدا وكيف نعيش بدونها


بل إنني أتمنى أن تكون كلها على أعلى مستوى


ترد الكبيرة: عندي شاب يعمل بالتجارة ولكن مؤهله متوسط..


تسارع البنت: لا لا لا.. أريده إن لم يكن يفوقني في المؤهل العلمي والمنصب المرموق على الأقل يساويني


تمر الشهور، وتأتي الكبيرة يوما متهللة سعيدة: وجدته وجدته..


وتقابله الفتاة لتبدأ في إجراءات الفيش والتشبيه وتمطره بأسئلتها واستفساراتها


تجز الكبيرة على أسنانها غيظا، فهي بعد عشرة عشرين سنة مع زوجها وبعد أن أصبح أولادها رجالا أطول منها


لم تخطر على بالها تلك الجوانب في شخصية زوجها لتعرفها وتسأل عنها


وتنتهي المقابلة وبعد ذلك تعتذر الفتاة لأن العريس غير مطابق للمواصفات


*******


إرتفاع سقف توقعات البنات عامل رئيسى في تأخير زواجهن


فالفتاة التي تجاوزت الثلاثين من الصعب أن تقبل الزواج بسهولة بسبب نضج شخصيتها


وتراكم خبرات أليمة سمعتها وعايشتها وزيادة توقعاتها وكأنها تريد من العريس أن يعوضها عما فاتها كله


وغالبا تتزوج في النهاية شخصا مثل غيره به عيوب كثيرة وقد أضاعت من قبل فرصا أفضل منه


أما الفتاة صغيرة السن فهي تتزوج من يتقدم لها ويوافق عليه أهلها وهي سعيدة وفرحة


وبعد الزواج تكتشف مميزاته وعيوبه على مهل وتكون أقدر علي التكيف معها


مسألة العيوب والمميزات هذه غير إنسانية بالمرة


ولا تدل علي النصاحة والشطارة بل تدل على قلة الخبرة وسطحية التفكير


فالفتاة لا تشتري ثوبا أو قطعة أثاث تقوم بفرزها أولا ولكنها ترتبط بإنسان إما أن ترتاح له أو لا


وهو مثلها تماما به مميزات وعيوب، وكما تريد منه أن يقبلها كما هي عليها أن تفعل ذلك


ما يحدث بعد الزواج هو نوع من التشذيب أو السنفرة للأجزاء الخشنة في شخصية وطباع الزوجين


ليتم التكامل والتناسب بينهما


وبعد فترة تجد الشاب المهمل صار حريصا علي تعليق ثيابه وترتيب مكتبه وإلقاء المهملات في سلتها


والفتاة التي كانت لا تدخل المطبخ أصبحت فنانة ماهرة وخبيرة طهي


وهكذا إذا كان الزوج رجلا عمليا إمنحيه بعضا من الرقة والخيال وإذا كان مترددا اشحنيه بالثقة والإقدام


وهو أيضا سيمنحك الكثير من التجدد والاختلاف الذي يثرى شخصيتك


*******


يقول علماء النفس أن الإنسان تتكون شخصيته وطباعه مرتان.. الأولى على يد أمه والثانية علي يد زوجته،


ويؤكدون أن الزواج الناجح ولادة ثانية وحياة جديدة


وقال رسول الله صلى الله عليه وسلم:


إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبير


وليس بعد قوله صلى الله عليه وسلم قول




تزوجي وخوضي تجربتك ولا تترددي كثيرا وتوكلي على الله




*******

هناك 12 تعليقًا:

  1. حقيقى فى بنات وشباب كمان بيفكروا كدا

    بس الزواج فى كل الاحوال يعتمد على الاخلاق ودرجة الايمان وتربية الشاب او الفتاة وكل ما يأتى بعد ذلك يسهل ايجاد حلول له بس ياريت الناس اللى بتفكر زى ما قلتى فى البوست تفهم دا بدرى قبل ما العمر يمر

    بوست جميل اوى يا مصرية عجبنى جدا
    تقبلى مرورى

    ردحذف
  2. إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبير

    الله يفتح عليكي يا مصرية

    بس هي الفكرة ان دلوقتي صعب انك تتأكدي ان الشخص المتقدم ذو دين وخلق فعلا

    اه حتلاقيه مؤدب قدامك وبيصلي ويصوم ويراعي ربنا في تصرفاته مع اهله واللي بيتعامل معاهم وكله زي الفل لكن متعرفيش هل دي حقيقته فعلا ولا ده مجرد برواز علشان البنت والاهل يوافقوا عليه ولما الفاس تقع في الراس تظهر حقيقته

    في رأيي ان ده برضه سبب من اسباب تأخر سن الزواج " الثقه " لأن لو حد تعرفيه اوي اوي وعارفه فعلا اخلاقه اه حتوافقي علطول تزوجيه لابنتك مثلا وتتغاضي عن كتير من الماديات في مقابل انه انسان محترم بيراعي ربنا في تصرفاته

    لكن لو حد ما نعرفهوش اكيييييد حنفكر مليون مرة لما نزوجه لبناتنا

    ويااااارب كل البنات تتجوز وتتهنى بس المهم يكون انسان ذو خلق ودين

    تحياتي

    ردحذف
  3. معاكِ حق ياجميلة البنت كل ما سنها كبر اصبحت انضج وترفض ان تاخذ من هو اقل منها لان بكل بساطة مش اخر صبرى اخد اقل منى
    ربنا يرزق بنات المسلمين بازواج صالحين

    ردحذف
  4. الجميلة بنت مصر

    انتي بقى يا قمراية اتكلمتي بوجهة النظر المضادة اللي قلت عليها لصاحبتك اللي مشرفانا في اليابان هههههه

    هي بتقول إننا نقبل بصاحب الخلق والدين والماديات تيجي بعدين وده مطابق لكلام الرسول صلى الله عليه وسلم

    ووجهة نظرك بتقول واحنا نضمن منين

    طبعا صحيح والأيام دي بالذات مافيش ضمانات نهائي

    وبرضه الماديات مهمه

    لكن هرجع للمشكلة الكبيرة اللي الموضوع بيتكلم عنها وهي:-
    ــــــــــــ

    البنت الرقيقة الصغنتوتة صاحبة الحلم
    يتحول الحلم لكابوس
    والكابوس يبقى شبح
    والشبح يطاردها ويحطم معنوياتها وتدخل في مرحلة عدم اتزان عاطفي ونفسي
    ومن بعده يأتي الإستسلام بأي عريس غفلة وخلاص المهم تتجوز ويختفي اللقب الكارثة واهي لو ربنا مقدر ليها تلحق تبقى أم

    شفتي بقى يا بنت مصر الموضوع متعب ويوجع قد إيه لأنه محير ومش عارفين نوصل لوجهة نظر نتبناها

    نورتيني وأسعدتيني بمرورك الجميل

    دمتي سالمة

    ردحذف
  5. إيه ده؟

    أنا كتبت رد على إحساس الطفولة الأول راح فين؟

    عااااااااااااااااااااااااااااااااااا

    ده كان كبير جدا هعيده ازاي تاني؟

    بصي يا نونو هحاول أعيد الكتابة

    أنا رديت عليكي بأن وجهة نظرك سليمة وهي أصلا تابعة لكلام الرسول صلى الله عليه وسلم

    لكن هناك وجهة نظر مضادة إن ازاي نضمن الدين والخلق لهذا الشخص

    وشرحت وجهة نظر الموضوع إن البنات يقللوا من سقف أحلامهم وتوقعاتهم قبل ما تأخر سن الجواز يتحول لشبح يطاردهم ويجبرهم على قبول أي شخص بعيوبه ومساوئه

    عااااااااااااااااا تاني الرد بتاعي راح فييييين؟

    ردحذف
  6. حبيبتي التي أحببتها في الله دون أن أراها أمة الله المميزة موناليزا

    شفتي يا حبيبتي الموضوع مؤلم قد إيه؟

    بتعب جدا لما بشوف بنات زي الفل ويستاهلوا أحسن الرجال وقدامهم أحد الخيارين :-
    ـــــــــــــــــــــــــــــــ

    إما قبول أي شخص للخروج من هذه الدائرة المغلقة

    أو

    نقض الحلم بالزواج والأمومة ورفضهم الإرتباط بمن لا يستحقهم

    حقيقي حيرة كبيرة ولو قدامي بنت منهم مش هعرف أرد عليها تتصرف ازاي وإن كان الرد الأقرب هيكون لو ابن حلال وافقي وربنا يقسم لكِ الخير

    على أساس أن لا يمر بها قطار العمر وتجد نفسها وحيدة لا زوج ولا أطفال

    والله الحكاية توجع القلب فعلا

    نورتيني يا صاحبة أجمل مدونة بين المدونات

    دمتي بكل خير وصحة وسلامة وراحة بال

    ردحذف
  7. بوست جميييييييييييييييييييييييييييييييييييل
    بجد تسلم ايدك
    طريقة عرضك للمشكلة وسببها والحل
    يقنعوا اي حد
    بجد تسلم ايدك

    تقبلي مروري
    ودمتي بخير كده وتماااااااااااااااام

    ردحذف
  8. الله يسلمك يا سوبيا

    والله المشكلة دي رهيبة وانا شفت بعيوني في فترة الأسبوعين اللي غبتهم عنكم بنات زي الفل ولم يتزوجوا

    ومطلعين همهم في الدراسه ومنهم من نالوا الدكتوراه

    تفتكري اللي وصلت للدكتوراه لو اتقد ليها موظف حكومه هتقبل بيه ولا هتحس إنه بعيد جدا عن حلمها ونظرا لتعودها على الوحده تستمر فيها ؟

    ربنا يستر جميع بنات وشباب المسلمين ويسعدهم

    خالص مودتي ودمتي سالمة

    ردحذف
  9. كيفك يالغلا

    لسه كنت برد عليكي بالبوست الي فاتت

    وبتكلم عن نفس النقطة دي

    ياجماعة الجواز قسمة ونصيب يعني اي عريس يتقدم حاولوا تتأكدوا منه وتسألوا عنه والعائلة والبنت تستخير وربنا هيسهل

    لكن مينفعش نقعد نقول اش عرفنا انه متدين ما يمكن برواز وكدا

    تيب والعمل يبقى كل العرسان هتشكوا بتدينهم يعني مفيش جواز وبالاخر يوصولوا لسن متاخر فيقبلوا باول عريس يتقدم حتى لو كان مفيهوش حاجة عدلة

    وهتجيبوا عريس منين تكونوا عارفين اخلاقه حتى لو البنت عاشت قصة حب مع شاب مش هتقدر تعرف نواياه وفي اغلب الاحيان مش هيتجوزها اساسا

    توكلوا على ربنا وكل وحدة هتاخد نصيبها

    ربنا يستر بنات المسلمين ويرزقهم بالازواج الصالحين

    تسلم ايدك ياقمر عالبوستات الجامد

    تصبحي على خير

    ردحذف
  10. أهلا بنوارة الجمال والأناقة

    ياريت يا أختي الحبيبة البنات تقتنع بكلامك ويتوكلوا على الله ولا يترددوا لأني فعلا شفت حالات كتير أوصلهم التردد للوحدة وللأمراض النفسية

    ربنا يهديهم ويفرح قلوبهم ويرزقهم بالرجال الصالحين والذرية الصالحة

    مرورك العطر بيسعدني لا حرمني الله من متابعتك يا نوارة ودمتي سالمة

    ردحذف
  11. اختى الحبيبه
    زيارتك اسعدتنى
    وموضوعك جميل جميل جميل
    وكلامك مقنع جدا
    بس هو الموضوع ان ماعدش حد عنده رضا وقناعه بالقليل
    ولو بنت قالولها خدى فقير واستحملى معاه..داه مستقبله حلو
    ترد تقولك وانا مالى لما يبقى يعمل مستقبله يبقى يجيلى
    مش عارفه انا فى واحده تانيه تتناه وهاتستحمله وهاتكافح معاه ويوصلوا سوى
    وهى لسه قاعده تقشر بصل فى بيت ابوها
    انا حاولت مع بنت فى شغلى وجبتلها تاجر ساعاتعلى قد حاله بكالوريوس تجاره اعتمد على نفسه..وبنى حياته وعنده شقه متواضعه
    لكن علشان هى ابوها ضابط واختها دكتورهوهى برضه بكالوريوس تجاره (بس موظفه قد الدنيا)
    قالت ازاى ..ماينفعش..اودى وشى من الناس فين..يقولوا عليا ايه
    شفتى ..هو كلام الناس اللى مرجعنا ورا
    بس للحق والحق يقال
    معرفش لو انا كنت مكانهم كنت عملت ايه
    الله اعلم

    ردحذف
  12. أهلا أهلا بأجمل ماما

    ازيك يا ست الحبايب

    نورتيني بالزيارة الجميلة دي

    كلامك صحيح والله طيب إيه رأيك بقى في البنت اللي رفضت الراجل المكافح ده تفتكري هتتجوز واحد تفصيل؟

    وارجع أقول زيك الله أعلم فعلا لو إحنا مكانهم هنوافق ولا إيه؟

    ربنا يرزق بنات المسلمين وشبابهم بالستر والذرية الصالحة ومايحرمش حد من الفرحه والسعادة

    دمتي سالمة بحفظ الرحمن يا جدة بقلظ

    ردحذف