الأربعاء، 15 أبريل 2009

عروس تبحث عن السعادة ... عروس اليوم و أم المستقبل




إليكِ عروس اليوم و أم المستقبل بعض النصائح التي تحقق لك السعادة في حياتك المقبلة :
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


إعرفي ما يحبه زوجك فافعليه و ما يكرهه فاتركيه


****************************************
لا تكذبي خاصة مع زوجك و كوني صريحة معه حتى و إن أخطأت فهو يسامحك عن الخطأ و لكن لن يأمن لك إن كذبت عليه ، كما أن الله جل شأنه أسقط عن الإنسان الخطأ و النسيان و لم يسقط عنه الكذب


****************************************


لا تتحدثي أمام المعارف و الأقرباء عن عيوب زوجك و عاداته و آرائه و كل ما تعتبرينه غير جيد فيه


****************************************
تجنبي التهكم اللاذع فالرجل لا يغفر للمرأة التي تتهكم عليه و تسخر منه و لكن يمكن أن تحدثيه عن عيوبه برقة و أدب على أن يكون ذلك بينك و بينه و ليس أمام أحد


****************************************


إستمعي إلى حديث زوجك باهتمام و أظهري له سعادتك بوجوده معك في المنزل و أثني على ذوقه ليبادلك الشعور الطيب


****************************************


كوني مرحة لبقة تضفين على المكان السرور و البهجة .


****************************************


أغمضي عينيك عن أخطاء زوجك الصغيرة يغفر لك أخطاءك


****************************************


إذا رأيت زوجك على وشك الغضب فامتنعي فوراً عن الإستمرار في الحديث و إن غضب اتركي المكان


****************************************


إتبعي أسلوباً هادئاً في مناقشة أسباب الخلاف بينكما و أسباب الغضب يجب حل الخلافات العادية بينكما و عدم تدخل الوسطاء و تذكري أنك و زوجك شريكان و ليس متنافسان
****************************************


لا تكوني ثرثارة كثيرة الشكوى و اعرفي متى تتكلمين ؟ و متى تصمتين


****************************************
لا تنسى واجبك نحو أهل زوجك و عليك بمجاملتهم في المناسبات و بادليهم الزيارات .


****************************************


لا بد من الإعتراف بأن زوجك ليس أمتداداً لك و لابد من وجود اختلافات في الرأي و الشخصية و الأفكار و وجهات النظر و هذا الخلاف ليس موجهاً ضدك ، فقدري ذلك .


****************************************


كوني ملتزمة تماماً تجاه زوجك و زواجك و لا تتسرعي في الإنسحاب أو طلب الطلاق لأنك شعرت بأنه غير مثالي ، بل عليكِ أن تجعلي من زواجك زواجاً ناجحاً و لا تكوني ممن يَكفُرن العشير ، فلا بد أن لديه مميزات كثيرة حاولي اكتشافها .


****************************************


لا تكرري أخطاء والديك بدون وعي فكثير من الأزواج يفعل أموراً مهددة لزواجه لأنه اعتاد رؤية والديه يفعلانها .


****************************************


أخيراً : لا تنسي النصيحة النبوية التي جمعت محاسن الزوجة الصالحة في أنه :


(( إذا نظر إليها سرته و إذا غاب عنها حفظته في ماله و عرضه))


*********************************************


دمتم بحفظ الله سالمين

هناك 13 تعليقًا:

  1. تعرفي يا مصرية فيه بنات كتير بيعملوا عكس النصائح دي ومتخياين اننا من الجيل القديم

    تنصحيها تقولك داه كان زمان الكلام بتاعكم داه

    وفيه بنات ربي يجازيهن كل الخير اي نصيحه تقدميها بيعملوا بيها

    أي مشكلة بيلجأوا لي فيها بيسمعوا نصيحتي وينفذوها

    الجيل داه نصه عايز غسيل مخ من المؤثرات البشعة اللي حواليهم

    دمتي سالمة

    ردحذف
  2. تسلم ايدك ياقلبي

    على نصائحك الثمينة

    الزواج باول ايامه بيكون صعب شوية عشان لسه محصلش تاقلم بينهم لكن مع الصبر والحب والتفاهم كل حاجة هتبقى تمام ..

    ربي يعطيكي الف عافيي

    دمتِ بحفظ الرحمن

    ردحذف
  3. حبيبتي ست العاقلين ماما نور

    ربنا يهدي بنات اليوم ويعرفوا الصح من الغلط قبل فوات الأوان

    اللي مايسمعش كلامك يا ماما نور يبقى غلطان أنا بستمتع من حواراتي معاكي وبشعر بسكينة تملأ روحي ده غير الإستفادة

    ربنا يبارك فيكي ويخليكي ليا ويديم علينا أخوتنا في الله

    شرفتيني بمرورك الرائع

    خالص حبي واحترامي

    ردحذف
  4. الحبيبة الجميلة نوارة الجمال والاناقة

    كلماتك تدل إنك إنسانة متفاهمة جدا وبتفضلي الحلول العاقلة

    مافيش أفضل من الحكمة في رد الفعل تجاه المشاكل مع التحلي بالصبر والمزيد من الحب

    نورتيني وأسعدتيني بمرورك وتعليقك لا حرمني الله منك

    خالص حبي واحترامي

    ردحذف
  5. نصائح رائعة بس صعب تطبيقها عاااااا

    انا بحاول يبقى عندي الذكاء ده وخصوصا اني بتكلم في اوقات مش مناسبة وبتعصب بسرعه وده مش هينفع مع زوج المستقبل ان شاء الله

    ربنا يجزيكي خير يا خالتو
    بحبك جداااا

    ردحذف
  6. بصي بقى يا حبيبة خالتو

    طالما إنتي من جواكي لامسه الحاجات اللي ممكن تزعل زوج المستقبل تبقي إنسانه عاقله جدا وعارفه إيه اللي يصح وإيه اللي مايصحش

    وانتبهي لنقطتين مهمين اسمعيهم بقى من خالتو وحطيهم حلق في ودانك

    الأولى :-
    ـــــــــ

    كلنا في السن الصغير بتبقى لينا صفات مسيطره علينا بتفرضها فترة مراهقتنا علينا وبمجرد مابنتجوز بنتغير وبمرور الأيام بتتثقل شخصيتنا وتتكون شخصية جديدة متزنة جدا أكتر من الأول وقادرة على تحمل المسئولية وباختصار بصي لماما وانتي تعرفي هتبقي ازاي وهتتصرفي ازاي وانتي زوجه

    الثانية : -
    ـــــــــــ

    لو حبيتي جوزك قوي قوي قوي هتعملي المستحيل علشان ترضيه وهتتغيري علشان خاطر عيونه

    ربنا يسعد قلبك ويرزقك بمن يستحقك وفرحكم مع بعض طول العمر

    أحبك في الله يا أحلى ليدي كتكوتة

    ردحذف
  7. ما شاء الله ..

    فعلا نصايح مفيدة جدا جدا ..

    لو كل بنت تتطيقه بجد هاتعيش فى هنا ..

    الواحد بيحاول يطبق على اد ما يقدر بس لازم الشيطان يجى يوسوس فى حتة ..

    بس اهم شئ المرضاية قبل النوم علشان الملائكة ما تلعنش الزوجة ..

    بجد بستفاد منك جدا ..

    بحبك فى الله ..

    ردحذف
  8. ماشاء الله لا قوة إلا بالله

    برافو عليكي يا لوجي

    المراضية قبل النوم كلام جميل

    وفعلا لا تخللي جوزك ينام وهو زعلان منك ولا ينزل شغله وهو زعلان منك أو يسافر وهو زعلان منك

    حتى لو هو غلطان هدي الموضوع خالص وروقي وبعد كده العتاب بين الأحباب جميل

    ربنا يسعدك ويهنيكي ويكملك بعقلك

    دمتي بحفظ الرحمن سالمة

    ردحذف
  9. كلامك مظبوط وجزاك الله كل خير

    ردحذف
  10. تسلم ايدك على النصيحة الغالية ده
    الصراحة اكتر واحدة بالنسبة ليا هى ان احنا نتجنب اللى بيحصل فى بيت والدينا و نحاول نصححه فى بيتنا
    وحشتينى

    تحياتى

    ردحذف
  11. ماشاء الله
    نصائح غاليه ومجوهرات تعيش العمر كله فى ايد ست الكل عروستنا الحلوه
    ربنا يبارك فيكى ..ودايما تقدمين ماغلى ثمنه وخف حمله
    مانتحرمش منك

    ردحذف
  12. أهلا حبيبتي ست الحبايب

    حمدا لله على سلامتك

    أيوه كده المدونة بتاعتي نورت

    ماتغيبيش عليا تاني

    إنتي وجودك وسطينا مسبب لينا فرحة كبيرة قوي

    صدقيني بحس براحه كبيرة وانا بطلع على موضوعاتك القيمة المليئ بالخبرة والحكمة

    دمتي سالمة بصحة وستر وخير

    ردحذف
  13. سلام عليكم
    انا اول مره ازور المدونه الرائعه دى وعجبتنى جدا
    جزاكى الله خيرا

    ردحذف